ٹی ٹی پی کا جنگ بندی ختم کرنے اور ملک بھر میں دہشت گردانہ حملوں کا اعلان

اسلام آباد : کالعدم دہشت گرد تنظیم تحریک طالبان پاکستان نے حکومت کے ساتھ جنگ بندی معاہدہ ختم کرکے ملک بھر میں حملوں کا اعلان کردیا۔ کالعدم ٹی ٹی پی کے بیان میں کہا گیا کہ ہم نے مسلسل صبر کا مظاہرہ کیا ہے تاکہ مذاکراتی عمل کو سبوتاژ نہ کیا جائے لیکن فوج اور انٹیلی جنس ایجنسیوں کی جانب سے حملے جاری ہیں اس لیے اب ہمارے جوابی حملے بھی پورے ملک میں شروع ہو جائیں گے۔ ٹی ٹی پی نے دعویٰ کیا کہ سیکیورٹی فورسز کی جانب سے ہمارے خلاف مسلسل کارروائیاں کی جا رہی ہیں اور صبرکا مظاہرہ کرنے کے باوجود حملے روکے نہیں جارہے۔ اب ہمارے انتقامی حملے دیکھیں گے۔ بیان میں اپنے تمام گروپ لیڈرز، مسؤلین تحصیل اور والیان کو حکم دیا گیا ہے کہ ملک میں جہاں بھی رسائی ہوسکتی ہے حملے کریں۔