ٹرمپ کی غزہ جنگ دوبارہ شروع کرنے کی اجازت دینے کی یقین دہانی

واشنگٹن : ٹرمپ نے صیہونی وزیراعظم نیتن یاہو کو معاہدے کے بعد غزہ میں نسل کشی کی مہم دوبارہ شروع کرنے کی اجازت دینے کی یقین دہانی کرادی۔ اسرائیلی اخبار یدیوت اہرنوٹ نے رپورٹ دی ہے کہ ٹرمپ نے نیتن یاہو سے وعدہ کیا ہے کہ اگر وہ جنگ بندی اور غزہ سے فوجی دستوں کے انخلاء پر رضامند ہو جائیں تو امریکا دوبارہ جنگ شروع کرنے کے فیصلے کی حمایت کرے گا۔ فلسطینی صحافی محمد شہادہ نے رپورٹ دی ہے کہ ٹرمپ نے نیتن یاہو سے متنازع اسپائی ویئر کمپنی این ایس او گروپ پر سے پابندیاں ہٹانے کا بھی وعدہ کیا ہے۔ کمپنی نے اسرائیل کو دنیا کے سب سے بدنام ہیکنگ ٹولز میں سے ایک پیگاسس اسپائی ویئر فروخت کیا تھا۔ انہوں نے مزید کہا کہ ٹرمپ اسرائیلی حکومت کو مقبوضہ مغربی کنارے میں زمینوں پر قبضے کو جاری رکھنے کی بھی اجازت دیں گے۔