ٹرمپ کا یورپی ممالک پر دس فیصد ٹیرف کا اعلان، یورپی ممالک نے ناقابل قبول قرار دیدیا

واشنگٹن : امریکی صدر ٹرمپ نے گرین لینڈ کو ضم کرنے کے مخالف یورپی اتحادیوں پر دس فیصد ٹیرف کا اعلان کردیا امریکا صدر ٹرمپ نے کہا ہےکہ فرانس ۔ جرمنی ۔ برطانیہ۔ ناروے سوئیڈن۔ سمیت آٹھ ممالک پر ٹیرف کا اطلاق یکم فروری سے ہوگا۔ یکم جون سے یورپی ممالک پر ٹیرف بڑھا کر پچیس فیصد کردیا جائے گا۔ ٹرمپ نے کہا کہ چین اور روس گرین لینڈ پر نظریں جمائے ہوئے ہیں۔ امریکا کے سوا کوئی گرین لینڈ کا دفاع نہیں کرسکتا۔
ادھر یورپی ممالک نے نئے ٹیرف کو مسترد کردیا۔ برطانوی وزیراعظم سرکئر اسٹارمر نے کہا کہ نیٹو اتحادیوں کی اجتماعی حفاظت کے لیے اتحادیوں پر محصولات کا اطلاق سراسر غلط ہے۔ فرانس کے صدر ایمنوئل میکرون نے کہا کہ ٹیرف کی دھمکیاں ناقابل قبول ہیں۔ ہم کسی بھی دھمکی سے نہیں جھکیں گے۔ سویڈن کے وزیر اعظم الف کرسٹرسن نے کہاکہ ہم خود کو بلیک میل نہیں ہونے دیں گے۔ یوروپی کونسل کے صدر انتونیو کوسٹا نے کہا کہ یورپی یونین ہمیشہ بین الاقوامی قانون کے دفاع میں بہت مضبوط رہے گا۔