ٹرمپ اسرائیل نوازی میں بائیڈن سے بھی آگے، مشرق وسطیٰ کو جہنم بنانے کی دھمکی

واشنگٹن : ٹرمپ اسرائیل نوازی میں بائیڈن سے بھی آگے، نومنتخب امریکی صدر ٹرمپ نے دھمکی دی ہے کہ اگر بیس جنوری کو انکی تقریب حلف برداری سے پہلے اسرائیلی یرغمالی رہا نہ کیے گئے تو مشرق وسطیٰ کو جہنم بھگتنی ہوگی۔ ڈونلڈ ٹرمپ نے سماجی رابطے کی سائٹ ٹروتھ پر ایک پوسٹ میں کہا کہ یرغمال بنائے گئے افراد کے جو بھی ذمے دار ہیں انہیں بھرپور جواب دیا جائے گا اور یہ جواب امریکہ کی تاریخ میں پہلے کبھی کسی نے نہیں دیا ہو گا۔ ٹرمپ نے لکھا کہ نومنتخب امریکی صدر نےلکھا کہ ہر کوئی یرغمالوں کے بارے میں بات کر رہا ہے جنہیں پرتشدد اور غیر انسانی طریقے سے اغوا کیا گیا۔ لیکن اس پر صرف باتیں کی گئیں کوئی عمل نہیں ہوا۔ انہوں نے مزید کہا کہ اس حقیقت کو جاننے کی کوشش کریں کہ اگر میرے عہدہ سنبھالتے تک یرغمالی رہا نہ ہوئے تو مشرقِ وسطیٰ میں ان لوگوں کو نتائج بھگتنا ہوں گے جنہوں نے انسانیت کے خلاف مظالم ڈھائے ہیں۔