انڈیا اور امریکا کے درمیان تجارتی معاہدہ طے پا گیا

واشنگٹن : انڈیا اور امریکہ کے درمیان تجارتی معاہدہ طے پا گیا۔ امریکی صدر ٹرمپ نے انڈیا پر ٹیرف پچیس سے کم کرکے اٹھارہ فیصد کردیا۔ امریکی صدر ڈونلڈ ٹرمپ اور انڈین وزیراعظم نریندر مودی نے ٹیلی فون پر گفتگو کے بعد سوشل میڈیا پر دونوں ممالک کے درمیان معاہدے کا اعلان کیا۔۔ ٹرمپ نے سوشل میڈیا پر لکھا کہ ان کیلئے وزیر اعظم مودی سے بات کرنا اعزاز کی بات تھی۔ وہ میرے بہترین دوستوں میں سے ایک ہیں۔ مودی نے روسی تیل کی خریداری روکنے اور وینزویلا سے مزید تیل خریدنے پر اتفاق کیا ہے۔ انہوں نے کہا کہ انڈیا امریکا سے پانچ سو ارب ڈالر کی توانائی، ٹیکنالوجی، زراعت، کوئلہ، اور بہت سی دوسری مصنوعات خریدے گا۔