Raza Musani 
تل ابیب : اسرائیل کی سڑکیں ایک بار پھر وزیراعظم بنیامین نیتن یاہو کے خلاف مظاہرین سے بھرگئیں۔ صیہونی وزیراعظم بنیامین نیتن یاہو کی متنازع عدالتی اصلاحات کیخلاف عوام کا غصہ ٹھنڈا نہ ہوسکا۔ مسلسل سولہویں ہفتے دارالحکومت تل ابیب ۔حیفہ اور دوسرے شہروں میں ہزاروں افراد سڑکوں پر نکل آئے اور احتجاج کیا۔ سب سے بڑا احتجاج تل ابیب میں ہوا جہاں بڑی تعداد میں لوگ عدالتی نظام کو تبدیل کرنے کے خلاف جمع ہوئے اور احتجاجی ریلی نکالی۔ مظاہرین نے نیتن یاہو کے چہرے پر کرائم منسٹر کے الفاظ کے ساتھ بینرز اٹھا رکھے تھے۔مظاہرین نے مطالبہ کیا کہ عدالتی اصلاحات کو معطل نہیں منسوخ کیا جائے مظاہرین نے مطالبات نہ ماننے کی صورت میں معیشت کو بند کرنے کی دھمکی دےدی۔مظاہرین نے کہا کہ لوگوں کے حقوق کے تحفظ کے لیے عدلیہ کو سیاست سے آزاد رہنا چاہیے۔
