ایران کو جوہری حقوق سے محروم کرنے کا کوئی جواز نہیں، پزشکیان

تہران : ایران کے صدر مسعود پزشکیان نے کہا ہے کہ امریکی صدر ڈونلڈ ٹرمپ کے پاس ایران کو اس کے جوہری حقوق سے محروم کرنے کا کوئی جواز موجود نہیں ہے۔ مسعود پزشکیان نے کہاہےکہ ٹرمپ کہتے ہیں کہ ایران اپنے جوہری حقوق کا استعمال نہیں کر سکتا، لیکن وہ یہ نہیں بتاتے کہ کیوں؟ ایران کا جرم کیا ہے ۔ وہ کون ہے جو کسی ملک کو اس کے حقوق سے محروم کرے؟۔ انھوں نے مزید کہا کہ ان کے ملک کو ایک سفاک، خونخوار دشمن کا سامنا ہے۔ انھوں نے اس بات پر زور دیتے ہوئے کہ ایران جنگ کا مطالبہ نہیں کر رہا ہے بلکہ اپنا دفاع کر رہا ہے۔نائب وزیر خارجہ سعید خطیب زادہ نے واضح کیا کہ کسی بھی قسم کا افزودہ جوہری مواد امریکا منتقل نہیں کیا جائے گا۔ ایران اپنے جوہری پروگرام اور مواد پر مکمل کنٹرول رکھتا ہے۔ اس معاملے پر ایران کسی دباؤ یا شرط کو قبول نہیں کرے گا۔