Raza Musani 
غزہ : صیہونی فوج نے خان یونس میں اسکول پر بم برسادئے۔ چوبیس گھنٹوں کے دوران مزید 20 فلسطینی شہید اور سو سے زائد زخمی کردئے۔ شہدا میں ایک صحافی اور پانچ امدادی کارکن بھی شامل ہیں۔ اسرائیلی جنگی طیاروں نے اتوار کو رات گئے خان یونس میں انروا کے زیرانتظام اسکول پر فضائی حملہ کیا جہاں سینکڑوں بے گھروں نے پناہ لے رکھی تھی۔ حملے میں خواتین اور بچوں سمیت بیس فلسطینی شہید ہوگئے۔ جنگی طیاروں نے نصیرات میں فضائی حملہ کیا جس میں الجزیرہ کے کیمرہ مین احمد اللوح اور سول ڈیفنس کے پانچ ارکان بھی شامل ہیں۔
اسرائیلی حملوں سے غزہ میں شہید ہونے والے صحافیوں کی تعداد 196 ہوگئی ہے۔ اسرائیلی جنگی طیاروں اور ڈرونزنے غزہ سٹی ۔ جبالیہ اور دوسرے علاقوں پر حملے کئے۔
