Raza Musani 
صنعا: انصار اللہ کے سربراہ اور نیشنل سالویشن حکومت کے نگران اعلیٰ عبدالملک بدرالدین الحوثی نے کہا ہے کہ شدید ترین اقتصادی دباؤ کے باوجود جنگ و جارحیت اور پروپیگنڈہ مہم سے یمنی قوم کو شکست نہیں دی جا سکتی۔ انہوں نے کہا ہے کہ سعودی اتحاد اسکولوں، یونیورسٹیوں، مساجد اور تربیتی مراکز کا محاصرہ اور زہریلا پروپیگنڈہ کر کے یمنی عوام کو تحریک سے دور کرنے کی کوشش کر رہا ہے مگر یمنی قوم کی استقامت و عزائم کی بدولت شدید ترین اقتصادی دباؤ کے باوجود جنگ و جارحیت اور پروپیگنڈہ مہم سے یمنی قوم کو شکست نہیں دی جا سکتی۔ عبد الملک بدرالدین الحوثی نے کہا کہ جنگ و جارحیت اور تمام تر محاصرے و دباؤ کے باوجود یمنی قوم کے جوان اپنی تعلیمی سرگرمیوں پر توجہ دیتے رہے ہیں اور ثابت قدمی سے اپنی راہ بھی جاری رکھے ہوئے ہیں۔
انھوں نے تعلیمی مراکز کو جارحیت کا نشانہ بنائے جانے کو یمنی قوم سے دشمنی کا ثبوت قرار دیا اور کہا کہ یمنی قوم عزت و آزادی اور اسلامی تمدن کی خواہاں ہے اور دشمنوں کو اس پر گہری تشویش لاحق ہے چونکہ وہ یمنی قوم کو گمراہ کرنے کی کوشش کر رہا ہے۔
