Raza Musani 
کراچی : کراچی میں پندرہویں عالمی اردو کانفرنس علم و ادب کے موتی بکھیر کر اختتام پذیر ہوگئی۔آرٹس کونسل کراچی میں عالمی اردو کانفرنس چار روز تک جاری رہی جس میں دنیا بھر سے دانشوروں، ادیبوں اور شاعروں کے علاوہ غیر ملکی مندوبین کی بڑی تعداد شریک ہوئی۔اکیسویں صدی میں اردو شاعری۔ بچوں کا ادب۔ یورپ اور ترقی یافتہ ممالک میں لشکری زبان کہاں تک پہنچ سکی۔ تعلیم، خواتین اور سماجی رویے سمیت مختلف موضوعات مکالمے کا حصہ رہے۔ کئی کتب کی رونمائی ہوئی۔ افتخار عارف، امجد اسلام امجد، انور شعور سمیت مختلف شعرا نے اپنے کلام پیش کئے۔ آخری روز اردو فکشن اور اردو غزل پر نشست ہوئی۔ شہریوں کا کہنا تھا کہ اس طرح کی محفلیں نوجوان نسل کو اردو ادب کے بارے میں جاننے اور مستفید ہونے کا ایک بہترین ذریعہ ہیں۔
