Raza Musani 
کراچی : ملک بھر میں یوم شہادت مولا علی ابن ابی طالب علیہ السلام مذہبی عقیدت و احترام کے ساتھ منایا جارہاہے۔ کراچی، لاہور، راولپنڈی، کوئٹہ، اسکردو ، گلگت ،پشاور سمیت ملک کے تمام چھوٹے بڑے شہروں ، قصبوں ،دیہاتوں میں مجالس عزا کا سلسلہ جاری ہے جبکہ شبیہ تابوت کے جلوس بھی برآمد کئے جارہے ہیں 21 ویں کی شب کراچی. اسلام آباد اور دوسرے شہروں میں ماتمی جلوس نکالے گئے جو سحری کے وقت اپنی اپنی منازل پر پہنچ کر اختتام پذیر ہوئے.آج صبح سے ہی ملک کے تمام چھوٹے بڑے شہروں میں مجالس کا سلسلہ جاری ہے اور ماتمی جلوس اپنے روایتی راستوں سے ہوتے ہوئے اپنی منزل کی جانب رواں دواں ہیں اس موقع پر سیکیورٹی کے انتہائی سخت انتظامات کئے گئے۔ کراچی میں حضرت علی علیہ السلام کی شہادت کی مرکزی مجلس عزا نشتر پارک میں ہوئی جس سے علامہ امین شہیدی نے خطاب کیا ,جس کے بعد ماتمی جلوس برآمد ہوا جو اپنے روایتی راستوں سے ہوتا ہوا حسینیہ ایرانیاں کھارادر پر اختتام پذیر ہو گا، حیدرآباد میں مرکزی جلوس کربلا دادن شاہ سے نکالا گیا جو قدم گاہ مولا علی پہنچ کر اختتام پذیر ہوگا وفاقی دارالحکومت اسلام آباد میں ماتمی جلوس نکالے گئے جو اپنی منزل کی جانب پہنچ کر اختتام پذیر ہوں گے جب کہ لاہور سمیت پنجاب کے مختلف شہروں میں بھی یوم علی کے سلسلے میں چھوٹے بڑے جلوس اپنے روایتی راستوں سے ہوتے ہوئے اپنی منزل پر اختتام پذیر ہوں گے، اس موقع پر سیکیورٹی کے بھی انتہائی سخت انتظامات کئے گئے ہیں، بلوچستان، خیبرپختونخوا،گلگت بلتستان سمیت آزادکشمیر میں بھی یوم علی علیہ السلام کے حوالے سے ماتمی جلوس برآمد ہوئے.
