Raza Musani 
روسی صدر ولادیمیر پوٹن نےخبردار کیا ہےکہ اگر مغربی ممالک نے یوکرین کو روس پر حملہ کرنے کے لیے اپنے ہتھیار استعمال کرنے کی اجازت دی تو اس کے سنگین نتائج ہوں گے۔ ازبکستان میں ایک خطاب کے دوران روسی صدر نے کہا کہ روسی سرزمین کے اندر جاکر حملہ کرنے کی بات کرنا ایک سنگین معاملہ ہے۔ مغربی ممالک روس کے اندر حملوں کی تجویز دے کر آگ سے کھیل رہے ہیں۔ روس کیخلاف مغربی میزائلوں کے استعمال سے جنگ یورپ تک پھیل سکتی ہے روسی صدر نے کہا کہ یورپی رہنماؤں کو اپنے بہت سے چھوٹے علاقوں اور گنجان آبادی کو ذہن میں رکھنا چاہیے۔ انہوں نے کہا کہ یوکرین کی سرزمین پر کرائے کے فوجیوں کی آڑ میں ماہرین موجود ہیں۔ وہ روسی فوج کے ہاتھوں شکست پائیں گے اور یہ کہ ہم وہ کریں گے جو ہمیں ضروری لگتا ہے، قطع نظر اس کے کہ یوکرین کی سرزمین پر کون موجود ہے۔
