روس سے دور کرنے کیلئے امریکا کا بھارت کو بڑا دفاعی پیکج دینے کا امکان

واشنگٹن : امریکا پاکستان سے دوستی کا دم بھرتا ہے لیکن فوجی پیکج بھارت کو دینے کی تیاری کررہا ہے تاکہ اس کا روسی ہتھیاروں پر انحصار کم کیا جاسکے۔زیرغور پیکیج میں فوجی مالی معاونت بھی شامل ہےجو مجموعی طور پر 50 کروڑ ڈالر بنتی ہے۔ بتایا جارہا ہے کہ اگر ایسا ہوجاتا ہے تو بھارت اسرائیل اور مصر کے بعد امریکی فوجی امداد کا تیسرا بڑا وصول کنندہ بن جائے گا ۔ یہ واضح نہیں کہ دونوں ممالک کے درمیان اس امدادی پیکیج کے معاہدے کا اعلان کب ہوگا اور اس میں کون کونسے ہتھیار شامل ہوں گے ۔ گزشتہ دہائی کے دوران بھارت نے امریکا سے 4 ارب ڈالر کے ہتھیار خریدے جبکہ روس سے خریدے گئے ہتھیاروں کی مالیت 25 ارب ڈالر ہے۔