Raza Musani 
تہران: ایران کے نائب وزیر خارجہ برائے قانونی و بین الاقوامی امور، کاظم غریب آبادی کا کہنا ہے کہ امریکا اقوام متحدہ کی انسانی حقوق کونسل سے علیحدگی اختیار کر کے ایران میں کیے گئے جنگی جرائم کی ذمہ داری سے فرار حاصل نہیں کر سکتا۔
ایکس پر ایک پوسٹ میں غریب آبادی نے کہا کہ عالمی برادری اب یہ تسلیم کرتی ہے کہ میناب میں ایک اسکول اور لامرد میں ایک اسپورٹس کمپلیکس پر امریکی حملے محض آپریشنل غلطیاں نہیں بلکہ واضح جنگی جرائم تھے۔ غریب آبادی نے جنوبی شہر میناب میں واقع شجرہ طیبہ پرائمری اسکول پر 28 فروری کو ہونے والے حملے کا حوالہ دیتے ہوئے لکھا کہ تاریخ اسے فراموش نہیں کرے گی اس حملے میں 168 افراد شہید ہوئے تھے جن میں بڑی تعداد بچوں کی تھی۔ انہوں نے صوبہ فارس کے شہر لامرد میں اسپورٹس کمپلیکس پر حملے کا بھی ذکر کیا جس میں عام شہری شہید ہوئے تھے۔
