Raza Musani 
واشنگٹن : امریکا نے ایرانی حکام پر پابندیاں عائد کردیں۔ جس کے تحت گیارہ ایرانی شہریوں اور تیرہ اداروں کو نشانہ بنایا گیا ہے۔ امریکی محکمہ خزانہ کے اعلامیے کے مطابق پابندیوں کی فہرست میں برطانیہ، متحدہ عرب امارات، سنگاپور اور ایران میں قائم 12 کمپنیاں شامل ہیں۔
پابندیوں کی زد میں آنے والوں میں ایران کی سپریم نیشنل سکیورٹی کونسل کے سیکریٹری علی لاریجانی بھی شامل ہیں۔ امریکا کا دعویٰ ہے کہ یہ افراد اور ادارے مظاہرین کے خلاف کریک ڈاؤن کی قیادت کر رہے تھے اور تیل کی فروخت سے حاصل ہونے والی رقم کو غیر ملکی منڈیوں کے ذریعے منتقل کر رہے تھے۔
