اسرائیل سے دوستی کا دم بھرنے والے ترک صدر کو مسجد اقصیٰ کی بے حرمتی کا خیال آ گیا

انقرہ : صیہونی ریاست سے دوستی کا دم بھرنے والے ترک صدر رجب طیب اردوان کو بھی مسجد اقصیٰ کی بے حرمتی یاد آگئی اور انہوں نے صیہونی ہم منصب سے فون پر رابطہ کیا اور مسجد اقصٰی میں نمازیوں پر تشدد کی مذمت کی۔ ترک صدر نے صیہونی صدر کو مسجد اقصٰی کو لاحق خطرات کے خلاف خبردار بھی کیا۔ ترک صدر کے مطابق ایسی تصاویر پوری اسلامی دنیا میں جائز ردعمل کا باعث بنتی ہیں، انہوں نے زور دیا کہ مسجد اقصیٰ کی حیثیت اور روحانیت کے خلاف اشتعال انگیزی اور دھمکیوں کی اجازت نہ دی جائے۔انہوں نے مزید کہا کہ بابرکت جگہ اور ایام کی روحانیت اور تقدس کو برقرار رکھنے کے لیے بھرپور کوشش کی جائے۔