خلیج فارس کے تینوں جزائر ایران کا حصہ ہیں اور رہیں گے، وزارت خارجہ

تہران: ایرانی وزارت خارجہ کے ترجمان ناصر کنعانی نے کہا ہے کہ خلیج فارس میں واقع تینوں جزائر ہمیشہ سے ایران کا حصہ تھے اور ہمیشہ رہیں گے۔ عرب لیگ اجلاس کے بیان پر شدید ردعمل کا اظہار کرتے ہوئے ناصر کنعانی کہا ہے کہ بحرین میں ہونے والے اجلاس کے موقع پر جاری ہونے والا بیان قابل مذمت ہے۔ انہوں نے کہا کہ خلیج فارس میں واقع جزائر ابوموسی، تنب بزرگ اور تنب کوچک ہمیشہ سے ایران کا حصہ تھے اور ایران کا حصہ رہیں گے۔ اس حقیقت کے خلاف کوئی قابل قبول نہیں ہے۔ ترجمان نے عرب لیگ کے اجلاس کے اختتام پر فلسطین کے ساتھ یکجہتی اور صیہونی حکومت کے جرائم کی مذمت میں بیان کا خیر مقدم کیا اور کہا کہ غزہ پر صیہونی جارحیت کے خاتمے کے لئے مسلمان ممالک کے درمیان اتحاد اور اتفاق بہت ضروری ہے۔