طالبان نے پشاور حملے میں افغان سرزمین استعمال ہونے کا الزام مسترد کردیا

طالبان نے پشاور خودکش حملے میں افغان سرزمین استعمال ہونے کا پاکستان کا الزام مسترد کردیا۔ طالبان حکومت کے وزیر خارجہ امیر خان متقی نے کہا کہ افغانستان کی سرزمین پاکستان میں حملوں کیلئے استعمال نہیں ہورہی۔ پاکستان دوسروں پر الزام لگانے سے پہلے ایسی دہشت گردی کی کارروائیوں کی مکمل تحقیقات کرے۔ پاکستانی حکام کو چاہیے کہ وہ مقامی طور پر اپنے سیکیورٹی چیلنجز کا حل تلاش کریں اور دونوں مسلم ممالک کے درمیان دشمنی کے بیج بونے سے باز رہیں۔ افغان وزیرخارجہ کا مزید کہنا تھا کہ افغانستان میں جنگ اور بم حملے ہوتے رہے ہیں تاہم کسی خود کش حملے میں چھت اڑنے اور درجنوں افراد جاں بحق ہوتے نہیں دیکھے۔