Raza Musani 
صنعا : انصار اللہ کے سربراہ اور نیشنل سالویشن حکومت کے نگران اعلیٰ بدرالدین الحوثی نے کہا کہ ہے کہ علاقے میں استقامت کی طاقت جتی بڑھے گی امریکا اور اسرائیل پر اتنا زیادہ خوف طاری ہوگا عبدالملک بدرالدین الحوثی نے اپنے خطاب میں کہا کہ اسرائیلی دشمن پرحزب اللہ کی فتح ، گذشتہ7 برسوں میں یمنی عوام کی کو حاصل ہونے والی کامیابی اور عراق و شام سمیت دیگر علاقوں میں استقامت کی کامیابیاں اس بات کی واضح علامت ہے کہ اگر عوام وعدہ الہی پریقین و اطمینان رکھیں تو اللہ تعالیٰ بھی ان کی مدد کرے گا دشمن، اجتماعی قتل عام سمیت ہر طرح کے جرم کا ارتکاب کررہا ہے اور اس کے اس ظلم و ستم اور شیطنت و شرانگیزی کو روکنے کے لئے دفاعی طاقت کی ضرورت ہے اور یہ دفاعی قوت صرف مضبوط جہادی اقدامات سے ہی حاصل ہوگی اور مسلم امہ آخرکار مکمل دفاعی قوت و صلاحیت کی مالک بن کر رہے گی ۔انصاراللہ کے سربراہ نے کہا کہ دشمن ، امت اسلامیہ کے خلاف اپنے جرائم انجام دینے کے لئے ہرموقع سے فائدہ اٹھاتا ہے لیکن اگروہ اپنے مقابلے میں کوئی دفاعی طاقت دیکھے گا تو سوبار سوچے گا اور اپنے اندازوں پرنظرثانی کرے گا۔بدرالدین الحوثی نے کہا کہ قرآن کریم میں اللہ تعالی کا حکم ہے کہ انسان کو طاقت اور طاقت کے وسائل حاصل کرنا چاہئے تاکہ دشمن ہزاروں بار اپنے اندازوں پرنظرثانی کرے اور سمجھ جائے کہ آپ ایک قوی و مضبوط قوم ہیں جسے شکست دینا اور جس پرغلبہ حاصل کرنا مشکل ہے اورجنگ کی صورت میں دشمن کو بھاری نقصان اٹھانا ہوگا انصاراللہ کے سربراہ نے اس بات کی جانب اشارہ کرتے ہوئے کہ ایران دور حاضر میں امریکہ و اسرائیل کے مقابلے میں استقامت کی واضح مثال ہے کہا کہ اسلامی انقلاب کی کامیابی سے لے کر آج تک ہر مرحلے میں امریکہ اور اسرائیل نے ایران کے خلاف سخت ترین اقدامات کئے ہیں اور وہ دوسروں کو بھی ایران کے ساتھ دشمنی کے لئے اکساتے رہے ہیں لیکن ایران سے شدید عداوت و دشمنی کے باوجود وہ ایران کے خلاف براہ راست جنگ چھیڑنے کی ہمت نہیں رکھتے اور سخت خوف و ہراس کا شکارہیں۔انہوں نے کہا کہ استقامت کی طاقت جتنی زیادہ مضبوط ہوگی، دشمن پر اتنا زیادہ خوف و ہراس طاری ہوگا اورجارح سعودی اتحاد بھی اس نتیجے پرپہنچ چکا ہے کہ یمنی عوام کے خلاف جنگ و جارحیت شروع کرکے وہ ایک بڑی دلدل میں پھنس گیا ہے اور روز بروز اس میں دھنستا چلا جا رہا ہے ۔
