وزیراعظم، آرمی چیف اور وزراء کی سانحہ پشاور کے زخمیوں کی عیادت

پشاور : وزیراعظم شہباز شریف نے آرمی چیف جنرل عاصم منیر، وزیر دفاع خواجہ محمد آصف، وزیر داخلہ رانا ثناء اللّٰہ اور کابینہ کے دیگر ارکان کے ہمراہ جائے وقوع کا دورہ کیا۔ شہباز شریف نےکہا کہ پاکستان کے خلاف جنگ کرنے والوں کو صفحہ ہستی سے مٹا دیں گے۔ ناحق شہریوں کا خون بہانے والوں کو عبرت کا نشان بنائیں گے۔ وزیراعظم نے آئی جی سے استفسار کیا کہ خود کش حملہ آور کیسے پولیس لائنز میں داخل ہوگیا؟ آئی جی معظم جاہ انصاری نے کہا کہ معلوم نہیں حملہ آور کہاں سے آیا اور کیسے داخل ہوگیا۔وزیراعظم نےسوال کیاکہ پولیس لائنز میں داخلے کا ایک ہی گیٹ ہے، حملہ آور کہاں سے آیا؟ آئی جی خیبر پختونخوا نے جواب دیا کہ پولیس لائنز میں فیملی کوارٹرز بھی ہیں، ہوسکتا ہے حملہ آور پہلے سے ہی اندر رہ رہا ہو۔