صدرمملکت کی تاجک اور ایرانی ہم منصب سے ملاقات، تعلقات مزید مستحکم بنانے پر اتفاق

اشک آباد: صدر مملکت عارف علوی 15 ویں سمٹ آف اکنامک آرگنائزیشن میں شرکت کیلئے ترکمانستان پہنچ گئے، انہوں نے تاجک صدر امام علی رحمان سے سائیڈ لائن ملاقات کی جس کے دوران دو طرفہ تعلقات مزید مستحکم بنانے پر اتفاق کیا گیا۔صدرڈاکٹرعارف علوی نے دورہ ترکمانستان کے دوران تاجکستان کے صدر امام علی رحمان سے ملاقات کی جس کے دوران کاسا 1000 منصوبے پر عمل درآمد کا جائزہ لیا۔ صدر عارف علوی نے پاکستان اور تاجکستان کے مابین تجارت اور سرمایہ کاری کو مزید فروغ دینے کی ضرورت پر زور دیا۔ انہوں نے پاکستان کی بندرگاہوں کےذریعے تاجکستان کیلئےعلاقائی انضمام اور روابط پر روشنی ڈالی۔
پاکستان کے صدر عارف علوی نے دورہ ترکمانستان کے دوران اسلامی جمہوریہ ایران کے صدر سید ابراہیم رئیسی سے ملاقات بھی کی۔ جس میں علاقائی اور عالمی صورتحال اوردوجانبہ تعلقات کے مزید فروغ پر تبادلہ خیال کیا۔