Raza Musani 
جدہ: اسلامی تعاون تنظیم نے سوڈان میں متحارب گروپوں سے اپیل کی ہے کہ وہ قیام امن کی کوششوں کا ساتھ دیں تاکہ عوام کو تحفظ فراہم ہوسکے۔ سعودی عرب کے شہر جدہ میں اسلامی تعاون تنظیم کی ایگزیکٹو کمیٹی کا اجلاس ہوا جس میں سوڈان میں جاری خانہ جنگی پر تشویش کا اظہارکیا گیا اور متحارب گروپوں سے مطالبہ کیا گیا کہ وہ طاقت کا استعمال روک کر سیاسی عمل کی جانب بڑھیں اور عوام کے تحفظ کو یقینی بنائیں۔ او آئی سی کے سربراہ حسین ابراہیم طہ نے یقین دلایا ہے کہ او آئی سی سوڈان میں جنگ کے خاتمے کے لیے سنجیدہ کوششیں کررہی ہے۔انہوں نے کہا ہے کہ اجلاس کے شرکا کی سفارشات پرعمل کرتے ہوئے آو آئی سی کا وفد سوڈان کا دورہ کرے گا تاہم اس کے لیے مناسب وقت کا تعین کیا جائے گا۔ او آئی سی کے سربراہ نے کہا کہ ہمیں اس بات کا بھی افسوس ہے کہ متحارب گروپوں نے غیر ملکیوں کے انخلا اور زخمیوں کے علاج کے لیے جنگ بندی کے معاہدے کی پابندی نہیں کی۔
