Raza Musani 
اسلام آباد: جے یو آئی کے سربراہ مولانا فضل الرحمان نے اسلام آباد دھماکہ کی شدید مذمت اور متاثرہ خاندانوں سے تعزیت کا اظہار کیا ہے۔ انہوں نے کہا کہ حملہ آور انسانیت کے دشمن ہیں وہ کسی رعایت کے مستحق نہیں۔ مولانا فضل الرحمان نے کہا کہ کے پی ،بلوچستان کے بعد اب اسلام آباد میں بھی مسلسل دہشت گرد کاروائیاں ہورہی ہیں۔ ملک کا کوئی حصہ دہشت گردوں سے محفوظ نہیں، مولانا فضل الرحمان نے کہا کہ فرقہ وارانہ فسادات کرانے والے قومی و بین الاقوامی عناصر کی مجرمانہ ذہنیت کو نظرانداز نہیں کیا جاسکتا نہ ہی اہم سانحوں کے بعد حکمرانوں کے دورے اور مذمتی بیانات پر انحصار کرکے قوم کو مطمئن کیا جاسکتا ہے۔ انہوں نے سوال کیا کہ کب عوام کے مستقبل اور آنے والی نسلوں کی حفاظت کا نظام بنایا جائے گا؟۔
