اسرائیلی جارحیت کی شکل میں نکبہ آج بھی جاری ہے، او آئی سی

جدہ : اسلامی تعاون تنظیم نے کہا ہے کہ اسرائیلی جارحیت کی شکل میں نکبہ آج بھی جاری ہے۔ نکبہ کی 76 ویں سالگرہ کے موقع پر جاری بیان میں او آئی سی نے کہا کہ فلسطینی عوام کے خلاف جاری اسرائیلی جارحیت کے نتیجے میں قتل، تباہی، جبری نقل مکانی اور نسل کشی کی شکل میں نکبہ آج بھی جاری ہے۔ بیان میں کہا گیاہے کہ اسرائیلی قبضے کو ختم کرنے اور انسانیت کے خلاف جرائم کے لیے اسے جوابدہ ٹھہرانے کیلئے بین الاقوامی انصاف کے طریقہ کار کو فعال کرنے کی ضرورت ہے۔ بیان میں کہا گیا ہے کہ فلسطینی عوام کے ساتھ جاری مظالم اور ناانصافیوں کے خاتمے کیلئے بین الاقوامی برادری کو کردار ادا کرنا چاہئے۔