Raza Musani 
اسلام آباد: مجلس وحدت مسلمین پاکستان کے سربراہ سینیٹر علامہ راجہ ناصر عباس جعفری نے حماس کے سربراہ اسماعیل ہنیہ کی شہادت کو عالم اسلام کا ایک ناقابل تلافی نقصان قرار دیا ہے۔ انہوں نے ایک بیان میں کہا کہ اسماعیل ہنیہ ایک نڈر، باوقار رہنما اور مظلومین فلسطین کی ایک توانا آواز تھے۔ دکھ کی اس گھڑی میں ہم شہید کے احباب و اقربا کے ساتھ کھڑے ہیں۔ انہوں نےکہا کہ مسلم امہ کے بدترین دشمن اسرائیل و امریکہ نے ہمیشہ پیٹھ پر وار کیا ہے۔ فلسطین کے لیے اسماعیل ہنیہ اور ان کے خاندان کی لازوال قربانیاں ہیں ۔فلسطین کی تحریک آزادی کے لیے اسماعیل ہنیہ کی خدمات کو ہمیشہ یاد رکھا جائے گا۔ اس شہادت سے تحریک آزادی میں مزید تیزی آئے گی۔
