Raza Musani 
کراچی : آئی ایس او کراچی ڈویژن کی جانب سے مرکزی آزادی قبلہ اول ریلی 23 رمضان المبارک سہہ پہر 3 بجے نمائش تا تبت سینٹر نکالی جائے گی، ریلی میں سیاسی، سماجی سمیت تمام مسالک و مذاہب کے علماء و پیشوا حضرات کو مدعو کیا جائے گا، ان خیالات کا اظہار جنرل سیکریٹری آئی ایس او کراچی سروش زیدی نے المصطفیٰ ہاؤس کراچی میں جاری یونٹ صدور اجلاس سے خطاب میں کیا۔ ان کا مزید کہنا تھا کہ آج اسرائیل اندرونی بحران کا شکار ہے اور تباہی کے دہانے پر کھڑا ہے، انشاء اللہ وہ دن دور نہیں جب مظلوم فلسطینیوں کی تحریک کامیاب ہوگی اور قبلہ اول بیت المقدس صیہونی قبضے سے آزاد ہوگا۔ مسلمانان عالم امام خمینی رح کے فرمان پر عمل کرتے ہوئےکہا رمضان المبارک کے آخری جمعہ یعنی جمعتہ الوداع کو یوم القدس کے عنوان سے مناتے ہیں ،انشاءاللہ اس سال بھی یوم القدس بھرپور جوش و جذبہ سے منایا جائے گا ۔
