Raza Musani 
ریاض: سعودی عرب نے اسرائیلی قابض افواج کے غزہ سمیت تمام فلسطینی علاقوں سے مکمل طور پر انخلا کا مطالبہ کردیا۔ سعودی وزارتِ خارجہ نے ایک بیان میں غزہ جنگ بندی معاہدے کا خیرمقدم کرتے ہوئے معاہدے کی شرائط کو برقرار رکھنے پر زور دیا ہے۔وزارت خارجہ نے کہا کہ اسرائیل غزہ میں جارحیت کا سلسلہ روکے اور بے گھر افراد کو ان کے علاقوں میں واپس بھیجا جائے۔ بیان میں فلسطینی عوام کو اپنے حقوق کا دعویٰ کرنے کے قابل بنا کر تنازعہ کی بنیادی وجوہات کو حل کرنے کی اہمیت پر بھی زور دیا گیا ہے۔ بیان میں کہاگیاہے کہ مشرقی یروشلم کے ساتھ 1967 کی سرحدوں کے ساتھ ایک آزاد فلسطینی ریاست کا قیام مسئلہ کا حل ہے۔
