شہید فلسطینی خواتین کے جسموں سے اعضاء نکالنے کا ہولناک انکشاف

لندن: برطانیہ میں آزاد رکن پارلیمنٹ جیرمی کوربن نے غزہ میں شہید کی گئی فلسطینی خواتین کے جسموں کو کھول کر اعضا نکالنے کا ہولناک انکشاف کیا ہے۔
کوربن کے مطابق الشفا اسپتال کے ڈائریکٹر ڈاکٹر محمد ابو سلمیہ نے انہیں بتایا کہ اسرائیلی فوج نے تقریباً چھیاسٹھ تابوتوں پر مشتمل انسانی باقیات اسپتال پہنچائیں۔ عملے نے تابوت کھولے تو ان میں شہید فلسطینیوں کی کھوپڑیاں موجود تھیں۔ کوربن نے انکشاف کیا کہ کچھ خواتین کی لاشیں ایسی حالت میں تھیں جن پر جراحی کے نشانات تھے اور بعض اندرونی اعضا نکالے جانے کے شواہد ملے۔ صورتحال کو الفاظ میں بیان کرنا مشکل ہے۔ انہوں نے کہا کہ فلسطین کے عوام کے ساتھ جو کچھ ہو رہا ہے وہ ہمارے عہد کا سنگین اور درد ناک المیہ ہے۔ جیریمی کوربن نے غزہ کی صورتحال کو بیسویں صدی کی سامراج اور فاشزم مخالف جدوجہد سے تشبیہ دی۔