صدد رئیسی کے جنازے میں عوام کی بھرپور شرکت انقلاب سے وفاداری کا ثبوت ہے، ولی امر مسلمین

تہران : ولی امر مسلمین آیت اللہ سید علی خامنہ ای نے کہا ہے کہ شہید صدر ابراہیم رئیسی کے جنازے میں لاکھوں ایرانی عوام کی شرکت انقلاب سے قوم کی وفاداری کا ثبوت ہے۔ عوام نے دشمن کے انقلاب سے دوری کے پروپیگنڈے کا جواب دے دیا۔
شہدا کے لواحقین سے ملاقات میں ولی امر مسلمین نے کہا کہ دشمنوں کے پروپیگنڈے اور دعوؤں کہ عوام اسلامی جمہوریہ سے الگ ہو جائیں گے کہاکہ اس واقعہ نے دنیا کی نظروں کے سامنے اور عملی طور پر ایرانی قوم کی صدر کے ساتھ وابستگی اور انقلاب کے نعرے لگانے والوں کیساتھ وفاداری کو ثابت کر دیا۔ انہوں نے عوام کے لیے کام کرنے، عوام کی خدمت گزاری اور عوامی رہنما ہونے کو ان شہداء کی سب سے نمایاں خصوصیات قرار دیا اور کہاکہ شہید ابراہیم رئیسی دن رات ایک کر کے انتھک محنت کرتے تھے۔ داخلی اور خارجی محاذ پر ابراہیم رئیسی اور امیر عبداللہیان کی خدمات اور کوششوں کی ایک طویل اور مفصل داستان ہے۔ ولی امر مسلمین نے شہید رئیسی کو انقلاب کے نعروں کا مجسم نمونہ قرار دیتے ہوئے کہا کہ شہید رئیسی نے جب انتخابی مہم شروع کی تب سے ہی انقلاب کے نعروں اور امام خمینیؒ کے فلسفہ پر بھروسہ کیا اور پوری دنیا انہیں انقلابی صدر کے طور پر جانتی تھی۔ عوام کی جانب سے اس شہید کی اس طرح حمایت اور تعظیم کا مطلب انقلاب کے نعروں کی حمایت ہے۔