Raza Musani 
غزہ : جنگ بندی معاہدے کے تحت قیدیوں کے چوتھے تبادلے میں حماس نے تین اسرائیلی یرغمالیوں کو رہا کردیا۔ حماس نے تینوں قیدیوں کو غزہ میں ہلال احمر کے عملے کے حوالے کیا۔ اس موقع پر سیکورٹی کے سخت انتظامات کئے گئے تھے۔
القسام بریگیڈ اور القدس بریگیڈ کے سینکڑوں نقاب پوشوں نے پورے علاقے کو گھیرے میں لے رکھا تھا۔ دیر البلاح میں ایک جبکہ دو کو غزہ سٹی میں رہا کیا گیا۔ تین اسرائیلیوں کے بدلے اسرائیل ایک سو تراسی فلسطینیوں کو رہا کرے گا۔ جس میں زیادہ تر خواتین بچے اور بزرگ قیدی شامل ہیں۔ اس میں اٹھارہ عمر قید اور اٹھاون طویل سزا کے قیدی بھی شامل ہیں۔ ایک سو گیارہ وہ قیدی ہیں جنہیں سات اکتوبر حملے کے بعد غزہ سے گرفتار کیا گیاتھا۔
