Raza Musani 
بیت اللحم: صیہونی فوجیوں کی جانب سے فلسطینیوں کیخلاف درندگی کا مظاہرہ جاری ہے۔ ایک اور فلسطینی لڑکے کو شہید کردیا۔
مغربی کنارے کے قصبے بیت اللحم میں صیہونی فوج نے دھاوا بولا اور سرچ آپریشن شروع کردیا۔ مقامی افراد نے مزاحمت کی تو فوجیوں نے گولیاں چلادیں جس سے 16سالہ فلسطینی لڑکا شہید ہوگیا۔ صیہونی فوجیوں نے جنین میں بھی چھاپہ مار کارروائی کی فوجیوں نے اندھا دھند گولیاں چلائیں۔ جس سے دوافراد زخمی ہوگئے۔ فوجیوں نے ایمبولینس کی نقل و حرکت میں رکاوٹ ڈالی اور متعدد افراد کو ان کے پسپا ہونے سے قبل گرفتار کر لیا۔ صیہونی فوجیوں نے نابلس کے مشرق میں بیت دیجان قصبے میں آبادکاری مخالف مارچ کو کچلنے کے لئے گولیاں چلائیں۔ اسٹیل کی گولیوں سے 2 فلسطینی زخمی ہوگئے۔ رواں سال پرتشدد واقعات میں اب تک 90 فلسطینی اور 19 اسرائیلی مارے جا چکے ہیں۔
