Raza Musani 
غزہ : اسرائیلی فوج نے رفح میں شدید بمباری کی ہے۔ چند گھنٹوں میں اسرائیل نے چالیس سے زائد فضائی و زمینی حملے کیے ہیں۔ فلسطینی وزارت صحت کے مطابق حملوں میں 95 فلسطینی شہید و زخمی ہوگئے ہیں۔ رفح میں اسرائیلی فوج قتل عام میں مصروف ہے شہر کی دس لاکھ سے زائد آبادی دربدر ہوگئی ہے۔ مسلسل بمباری اور دھماکوں کی وجہ سے شہر میں عمارتیں تباہ ہوچکی ہیں۔ کئی مقامات پر حماس نے چھاپہ مار کارروائیاں کرکے اسرائیلی فوج کو ناقابل تلافی نقصان پہنچایا ہے۔اسرائیلی فوجی ذرائع کے مطابق رفح میں اسے شدید مزاحمت کا سامنا ہے۔اسرائیلی فوج نے دو فوجیوں کی ہلاکت کی بھی تصدیق کردی ہے۔
حماس کے مطابق اس کی چھاپہ مار کارروائیوں میں متعدد اسرائیلی فوجی ہلاک و زخمی ہوگئے ہیں۔
