Raza Musani 
غزہ : اسرائیل کے غزہ پر وحشیانہ حملے جاری ہیں۔ چوبیس گھنٹوں میں مزید پچیس فلسطینی شہید اور دو صیہونی فوجی ہلاک ہوگئے۔
صیہونی فوج نے جبالیہ۔ النصیرات کیمپ۔ وسطیٰ غزہ پر بموں کی برسات کردی۔ جبالیہ میں ٹینکوں نے کئی عمارتوں کو بموں سے اڑادیا۔ حملوں میں پندرہ فلسطینی شہید اور کئی زخمی ہوئے۔ النصیرات کیمپ میں پانچ۔ وسطیٰ غزہ میں چھ فلسطینی جان سے گئے۔رفح اور دیگر علاقوں میں بھی صیہونی فوج کے حملے جاری رہے۔
ادھر جبالیہ اور رفح میں صیہونی فوج اور حماس کے درمیان جھڑپیں جاری ہیں۔جس میں دو اسرائیلی فوجی ہلاک ہوگئے۔
فلسطین کی وزارتِ صحت نے ہفتے کے روز بتایا کہ حماس اسرائیل جنگ کے سات ماہ سے زیادہ عرصے میں فلسطینی علاقے میں کم از کم 35,386 فلسطینی شہید ہو چکے ہیں۔
