صیہونی فوج کے وحشیانہ حملے، خواتین وبچوں سمیت 32 فلسطینی شہید، 60 زخمی

غزہ: غزہ پر صبح سے جاری صیہونی فوج کے وحشیانہ حملوں میں بتیس فلسطینی شہید اورساٹھ سے زائد زخمی ہوگئے۔ اسرائیلی جنگی طیاروں نے اپنے ہی محفوظ زون قرار دئے گئے المواسی میں عارضی خیمہ بستی پر بم گرادئے۔ حملے میں خواتین اور بچوں سمیت اکیس فلسطینی نشانہ بنے۔ حملے میں زخمی کئی افراد کی حالت تشویشناک بتائی جاتی ہے۔ اسرائیلی ڈرون نے رفح کراسنگ کے قریب حملہ کیا جس میں تین فلسطینی جان سے گئے اور سات زخمی ہوگئے۔ اسرائیلی ہیلی کاپٹر نے رفح کے مضافات میں فائرنگ کی جس سے کئی فلسطینی زخمی ہوئے۔ نصیرات میں خیمہ بستی پر حملے میں خاندان کے تین افراد شہید ہوگئے۔
بیت لاہیہ اور غزہ سٹی پر بھی حملے کئے گئے۔ ادھر مغربی کنارے میں فائرنگ سے خاتون سمیت تین فلسطینی جان سے گئے۔ جبکہ بارہ فلسطینیوں کو گرفتار کرلیا گیا۔