Raza Musani 
بغداد : عراق نے ترکیہ سے اپنی سرزمین پر حملوں کی ذمہ داری قبول کرنے اور باضابطہ معافی مانگنے کا مطالبہ کردیا۔ صدر عبداللطیف راشد نے عراق کے نیم خود مختار کردستان کے علاقے سلیمانیہ کے ہوائی اڈے پر ترک فوج کی حالیہ گولہ باری کی مذمت کی ہے اور کہا ہے کہ انقرہ دشمنی بند کرے اور بمباری کرنے پر معافی مانگے۔ انہوں نے کہاکہ ترکیہ حملوں کو فوری روکے اور متعلقہ فریقوں کے ساتھ بات چیت کی راہ کھول کر اپنے اندرونی مسائل حل کرے۔ انہوں نے کہا کہ سلیمانیہ ایئرپورٹ پر بمباری ہماری خودمختاری کی خلاف ورزی ہے جس کا کوئی قانونی جواز نہیں ہے۔ مستقبل میں ایسے حملوں سے بچنے کے لیے ان حملوں کے دوبارہ ہونے کی صورت میں سخت موقف اختیار کیا جائے گا۔
