Raza Musani 
کابل : طالبان نے بھی پاکستان کو آنکھیں دکھانا شروع کردیں۔ طالبان حکومت کے قائم مقام وزیر دفاع ملّا محمد یعقوب نے کہا ہے کہ طالبان انتظامیہ فضائی حملوں کے خلاف احتجاج کرتی ہے اور وہ آئندہ اپنے علاقوں پر بیرونی حملوں کو برداشت نہیں کرے گی۔ ملّا محمد یعقوب نے کابل میں اپنے والد ملّا محمد عمر کی یاد میں منعقدہ تقریب میں کہا کہ ہمیں دنیا اور ہمسایوں دونوں جانب سے مسائل اور چیلنجوں کاسامنا ہے، اس کی واضح مثال کنڑ میں ہمارے علاقے میں ان کی جانب سے حملہ ہے۔ ہم نے قومی مفادات کی وجہ سے اس حملے کوتو برداشت کرلیا لیکن اگلی بار ہم ایسے کسی حملے کو برداشت نہیں کرسکتے۔ ۔طالبان حکام کا کہنا ہے کہ پاکستان کی سرحد کے نزدیک واقع مشرقی صوبوں کنڑ اور خوست میں فضائی حملوں میں درجنوں افراد ہلاک ہوئے ہیں۔ یہ حملے ہمسایہ ملک پاکستان نے کیے تھے۔
