Raza Musani 
دمشق : شامی فوج نے روسی فوج کے تعاون سے کئے گئے فضائی اور زمینی آپریشن میں سینکڑوں دہشت گردوں کو ہلاک کردیا اور کئی علاقوں کا کنٹرول دوبارہ حاصل کرلیا۔ ادلب اور حلب پر فضائی حملوں میں امریکی، اسرائیلی اور ترکی کے حمایت یافتہ دہشتگردوں کے کئی ٹھکانے تباہ کردیے۔ شامی فوج نے پیش قدمی کرتے ہوئے حما کا علاقہ مکمل طور پر کلیئر کرالیا۔ روسی فوج کے فضائی حملوں اور شامی فوج کی بھرپور کارروائیوں کے نتیجے میں حلب اور ادلب میں جنگجوؤں کی پیشقدمی تھم گئی ہے اور وہ کئی علاقوں سے پسپا ہوگئے۔ شامی میڈیا کے مطابق فوجی آپریشن میں چوبیس گھنٹوں کے دوران تین سو بیس دہشتگرد مارے گئے۔ ان کی تعداد تیرا سو ہوگئی ہے جبکہ ان کے کئی ٹھکانے تباہ کردئے گئے۔ شامی فوج نے زمینی کارروائی میں حما شہر کا بیشتر علاقہ خالی کرالیا ہے جکہ تل رفعت شہر سے بھی دہشت گرد پسپا ہوگئے ہیں اور وہ مضافاتی علاقوں میں جمع ہورہے ہیں۔
پانچ دن پہلے امریکی، اسرائیلی اور ترکی کے حمایت یافتہ دہشتگرد ادلب اور حلب کے چند علاقوں پر قبضہ کرنے میں کامیاب ہوگئے تھے اور شامی فوجی حکمت عملی کے تحت علاقے سے نکل گئی تھی۔ تاہم اب ان علاقوں کا دوبار کنٹرول حاصل کیا جارہا ہے۔
