مشرق وسطیٰ میں کشیدگی قابو سے باہر ہو سکتی ہے، انتونیو گوتریس

نیویارک : اقوام متحدہ کے سیکرٹری جنرل انتونیو گوٹیرس نے خبردار کیا ہے کہ مشرق وسطیٰ اور خلیج میں فوجی کشیدگی قابو سے باہر ہو سکتی ہے۔ انتونیو گوتریس کی جانب سے جاری بیان میں ان کے ترجمان نے کہا کہ غیرقانونی حملے شہریوں کے لیے شدید تکلیف اور نقصان کا سبب بن رہے ہیں اور عالمی معیشت کو خطرے میں ڈال رہے ہیں ۔خاص طور پر سب سے زیادہ کمزور لوگوں کو۔ انہوں نے تمام فریقوں سے مطالبہ کیا کہ لڑائی روکیں اور سنجیدہ سفارتی مذاکرات کی طرف آئیں۔ انتونیو گوتریس نے اپنے بیان میں کہا کہ وہ تمام متعلقہ فریقوں سے رابطے جاری رکھیں گے تاکہ مذاکرات کی بحالی ممکن ہو سکے۔ انہوں نے مزید خبردار کیا کہ صورتحال مزید خراب ہو سکتی ہے، جس میں ریاستوں کی یکجہتی، شہریوں کی مسلسل مشکلات اور آبنائے ہرمز کے گرد کے حالات شامل ہیں۔ انہوں نے کہا کہ توانائی کی فراہمی پر اثرات پہلے ہی محسوس کیے جا رہے ہیں، جس کے سبب عالمی سطح پر تیل کی قیمتوں میں اضافہ دیکھنے کو مل رہا ہے۔