ایرانی وزیر خارجہ اور یورپی خارجہ سیاست کے سربراہ جوزف بورل کے درمیان ٹیلی فونک رابطہ

تہران: ایران کے وزیرخارجہ حسین امیر عبداللہیان اور یورپی خارجہ سیاست کے سربراہ جوزف بورل کے درمیان ٹیلی فون پر رابطہ ہوا ہے جس میں پابندیوں کے خاتمے، یوکرین کی صورتحال ، ایران اور بین الاقوامی اٹیمی توانائی ایجنسی کے درمیان جاری تعاون کے موضوعات پر تبادلہ خیال کیا گیا۔امیرعبداللہیان نے یوکرین کے موضوع پر بات کرتے ہوئے کہا کہ ایران نے یوکرین کی موجودہ صورتحال، اس کی وجوہات اور جنگ سے متعلق ایران کی مخالفت پر بات چیت کی ہے۔ ایرانی وزیر خارجہ نے کہا کہ مغربی ممالک ایران کے خلاف بے بنیاد الزامات کی بجائے یوکرین کو اس بات کی مجبور کریں کہ وہ دونوں ممالک کے درمیان سیاسی اور فوجی سرکاری ملاقاتوں اور اجلاسوں میں اپنے الزامات کے ثبوت پیش کرے اور الزامات کی بجائے رسمی مذاکرات کرے تو اسے پتہ چلے گا کہ ایران صلح کا خواہاں ہے نہ کہ جنگ کا۔انہوں نے کہا کہ ایران اور بین الاقوامی ایٹمی توانائی ایجنسی کے درمیان تعاون درست راہ پر جاری ہے۔ جوزف بورل نے کہا کہ یوکرین جنگ میں ایرانی ڈرون کے استعمال کی باتوں کے باوجود علاقے میں صلح کے قیام میں ایرانی کی کوششوں کی تعریف کرتے ہیں۔