Raza Musani 
دمشق : شام نے پابندیوں میں ریلیف کے لیے امریکا کی تمام آٹھ شرائط منظور کرلیں۔ امریکی انتظامیہ کے نام جوابی خط میں یقین دہانی کرائی گئی ہے کہ شام اسرائیل کے لیے خطرہ نہیں بنے گا۔ شام کی جانب سے بھیجے گئے جواب میں کہا گیاہےکہ امریکا کے بیشتر مطالبات پورے کر لیے ہیں، جبکہ مطالبات پورے کرنے کیلئے امریکا کے ساتھ باہمی مفاہمت کی ضرورت ہے۔
امریکہ نے شام کو آٹھ شرائط پیش کی تھیں جن میں کیمیائی ہتھیاروں کے باقی ماندہ ذخیروں کو تباہ کرنا۔غیر ملکی جنگجوؤں کو نکالنا۔ امریکہ کو دہشت گردی کے خلاف حملوں کی اجازت دینا اور اس بات کو یقینی بنانا کہ غیر ملکیوں کو اعلیٰ حکومتی ذمہ داریاں نہ دی جائیں۔ تمام مطالبات کو پورا کرنے کے بدلے میں امریکہ نے معطلی کو دو سال تک بڑھانے اور ممکنہ طور پر مزید چھوٹ دینے کی پیشکش کی۔ شام نے وعدہ کیا ہے کہ وہ اپنی سرزمین کو کسی بھی فریق، بشمول اسرائیل کے لیے خطرے کا ذریعہ نہیں بننے دے گا۔
