Raza Musani 
اسٹاک ہوم : سویڈن میں عدالت نے قرآن مجید جلانے پر پابندی کو غیر قانونی قراردے دیا ہے۔ سویڈش پولیس نے قرآن مجید جلانے کے واقعہ کے بعد ایسے ہی دو مظاہروں پرپابندی لگادی تھی۔ سویڈن کی اعلیٰ انتظامی عدالت نے پابندی کو یہ کہتے ہوئے کالعدم قراردے دیا ہےکہ سیکیورٹی خدشات مظاہرے کے حق کو محدود کرنے کے لیے کافی نہیں ہیں۔ عدالت نے کہاکہ پولیس اتھارٹی کے پاس اپنے فیصلوں کےحق میں مناسب حمایت نہیں تھی۔ سویڈش پولیس نے فروری میں اسٹاک ہوم میں ترکیہ اور عراق کے سفارت خانوں کے باہر قرآن جلانے کی اجازت دینے سے انکار کردیا تھا۔ جنوری میں اسٹاک ہوم میں ترکیہ کے سفارت خانہ کے باہر اسلام کی مقدس کتاب کو نذرآتش کرنے کے واقعے پر اسلامی دنیا میں غم وغصے کی لہر دوڑگئی تھی۔اس کے ردعمل میں کئی ہفتے تک احتجاج کیا گیا تھا۔
