Raza Musani 
اسلام آباد: اسلام آباد میں خودکش حملے میں ایک پولیس اہلکار شہید اور 5 اہلکاروں سمیت 10 افراد زخمی ہوگئے۔ پولیس کے ترجمان کے مطابق شہر میں سیکیورٹی ہائی الرٹ تھی اور چیکنگ چل رہی تھی۔ آئی ٹین فور کے علاقے میں پولیس اہلکاروں نے جانچ پڑتال کے لیے مشکوک ٹیکسی کو روکا تو گاڑی رُکتے ہی خودکش بمبار نے خود کو دھماکے سے اڑا دیا۔ دھماکے کی آواز دور دور تک سنی گئی جس کے فوری بعد پولیس بھی جائے دھماکا پر پہنچ گئی۔ دھماکے سے گاڑی میں موجود خودکش حملہ آور کے ساتھ خاتون بھی موجود تھی جو ہلاک ہوگئی۔ ملحقہ علاقوں میں نصب سی سی ٹی وی کیمروں کی مدد سے تحقیقات شروع کردی گئی ہے۔ شہید اہل کار کی شناخت ہیڈ کانسٹیبل عدیل حسین کے نام سے ہوئی ہے۔وفاقی دارالحکومت میں دھماکے کے بعد ضلع راولپنڈی میں سیکیورٹی ہائی الرٹ کردی گئی ہے۔
