شیعہ علماء کونسل کی یوم انہدام جنت البقیع بھرپور طریقے سے منانے کی اپیل

راولپنڈی :شیعہ علماء کونسل نے 8 شوال بمطابق 10مئی کو ملک بھر میں یوم انہدام جنت البقیع بھرپور طریقے سے منانے کی اپیل کی ہے۔ مرکزی جنرل سیکریٹری علامہ ڈاکٹر شبیر حسن میثمی نے کہاکہ عہدیداروں و کارکنوں سے اپیل کی جاتی ہے کہ انہدام جنت البقیع کے اقدام کے خلاف مجالس عزاء و سیمینارز منعقد کریں اور ان مجالس و سیمینارز میں بھرپور شرکت فرما کر دینی، ملی اور قومی بیداری کا ثبوت دیں۔