Raza Musani 
جنیوا : اقوام متحدہ نے خبردار کیا ہے کہ غزہ میں بے گھر فلسطینی خاندان گنجان پناہ گاہوں میں آتشزدگی کے شدید خطرات ہیں۔ ادارے نے فوری طور پر محفوظ رہائشی حل فراہم کرنے پر زور دیا ہے۔ اقوام متحدہ کے امدادی ادارے اوچا نے کہاہےکہ غزہ کی پناہ گاہوں میں مقیم بے گھر خاندان آگ اور صحت کے بڑھتے ہوئے خطرات کا سامنا کر رہے ہیں۔ زیادہ تر خاندان تنگ جگہوں پر کھانا پکانے، سونے اور سامان رکھنے پر مجبور ہیں جہاں کھلی آگ استعمال کی جاتی ہے۔ ادارے کے مطابق گزشتہ نومبر سے اب تک پناہ گاہوں میں کم از کم آتشزدگی کے بارہ واقعات ریکارڈ کیے جا چکے ہیں۔ اقوام متحدہ نے زور دیا ہے کہ بے گھر افراد کے لیے زیادہ محفوظ اور موزوں رہائش کے انتظامات فوری ناگزیر ہیں تاکہ مزید جانی و مالی نقصان سے بچا جا سکے۔
