Raza Musani 
جنیوا : اقوامِ متحدہ نے کہا ہے کہ گذشتہ سال مقبوضہ مغربی کنارے میں سینتیس ہزار سے زائد فلسطینی اپنے گھروں سے بے گھر ہوئے، جو ایک ریکارڈ بلند سطح ہے۔
اقوامِ متحدہ کے ادارےاوچا کے مطابق بیدخلی کی بڑی وجہ پناہ گزین کیمپوں میں بڑے پیمانے پر آپریشنز اور غیرقانونی صیہونی آبادکاروں کے حملے شامل تھے. گذشہ سال اٹھارہ سو سے زائد حملے ریکارڈ کیے گئے۔ اقوام متحدہ کے ترجمان اسٹیفن دوجارک نے اوچا کی رپورٹ کے حوالے سے کہاکہ فلسطینی سرزمین میں نقل مکانی اور آباد کاروں کے تشدد کی ریکارڈ سطح دیکھی گئی۔ رپورٹ کے مطابق اکتوبر 2023 میں غزہ کی پٹی میں تشدد پھیلنے کے بعد سے غیر قانونی آباد کاروں نے مغربی کنارے میں فلسطینیوں کے خلاف اپنے حملوں میں اضافہ کر دیا ہے۔
