Raza Musani 
واشنگٹن : امریکی کمیشن برائے بین الاقوامی مذہبی آزادی نے مسلسل چوتھے سال ہندوستان کو بلیک لسٹ کرنے کا مطالبہ کردیا ۔ امریکی کمیشن کے مطابق وزیر اعظم نریندر مودی کے دور میں اقلیتوں کے ساتھ سلوک بدستور خراب ہوتا جا رہا ہے۔ امتیازی قوانین کے مسلسل نفاذ کی وجہ سے ہجوم اور ہندو توا شرپسندوں کی جانب سے دھمکی اور تشدد بڑے پیمانے پر پروان چڑھا ہے اور شرپسندوں کو کھلی چھوٹ ملی ہوئی ہے۔ پینل کی سالانہ رپورٹ میں ہندوستان کے مختلف صوبوں میں مسلمانوں اور عیسائیوں پر تشدد اور ان کی املاک کی تباہی کی جانب اشارہ کیا گیا اور مودی کی ہندو توا بھارتیہ جنتا پارٹی کے ارکان کی نفرت انگیز تقاریر اور سوشل میڈیا پوسٹس کے لنکس دیے گئے۔ امریکی کمیشن مسلسل 4 سال سے محکمہ خارجہ سے بھارت کو بلیک لسٹ کرنے کا مطالبہ کر رہا ہے۔ انڈین امریکن مسلم کونسل نے مسلسل چوتھے سال انسانی حقوق اور مذہبی آزادیوں کی شدید خلاف ورزی پر ہندوستان کو خصوصی تشویش کا ملک قرار دینے کا خیرمقدم کیا ہے۔
