سعودی فورسز کا ایک اور جعلی مقابلہ، 2شیعہ نوجوان شہید

دمام کے علاقے العنود میں سیکیورٹی فورسز نے ایک عمارت کوگھیرے میں لیکر آپریشن کیا اوردو نوجوانوں احمد عبداللہ سوید اور عبداللہ حسین سعید النمر کو شہید کردیا
عینی شاہدین کے مطابق دونوں نوجوانو ں کو25دسمبر کی شام شہید کیا لیکن اس کی تفصیلات تین دن بعد میڈیا کے سامنے پیش کیں، سیکیورٹی فورسز نے ایک تیسرے نوجوان کوبھی گرفتار کرلیا
دمام(نیوزڈیسک) سعودی فورسز نے جعلی مقابلے میں مزید دوشیعہ نوجوانوں کوشہید کردیا،سعودی حکام نے دعویٰ کیا ہے کہ نوجوان دہشت گردی کی منصوبہ بندی کررہے تھے، شیعہ اکثریتی صوبے قطیف کے ساحلی شہر دمام کے علاقے العنود میں سیکیورٹی فورسز نے ایک عمارت کوگھیرے میں لیکر آپریشن کیا اوردو نوجوانوں احمد عبداللہ سوید اور عبداللہ حسین سعید النمر کو شہید کردیا، حکومت مخالف دونوں نوجوانوں کا نام مطلوب دہشت گردوں کی فہرست میں شامل کررکھا تھا، جعلی مقابلے کے بعد سیکیورٹی اہلکاروں نے ایک کار کو شہدا کی کار کے طور پر میڈیا کے سامنے پیش کیا اور دعویٰ کیا کہ کار سے پانچ کلو گرام دھماکاخیز مواد (آر ڈی ایکس) برآمد ہوا ہے اور نوجوان کار کو دھماکے سے اڑانے کی منصوبہ بندی کررہے تھے، کار سے ایک مشین گن، دو پستول اور گولیاں بھی برآمد کرنے کا دعویٰ کیا گیا ہے، سیکیورٹی فورسز نے ایک تیسرے نوجوان کوبھی گرفتار کیا ہے تاہم اس کا نام ظاہر نہیں کیا، عینی شاہدین کے مطابق دونوں نوجوانو ں کو25دسمبر کی شام شہید کیا لیکن اس کی تفصیلات تین دن بعد میڈیا کے سامنے پیش کیں۔