Raza Musani 
ماسکو: سعودی وزیر خارجہ شہزادہ فیصل بن فرحان نے کہا ہے کہ ان کا ملک روس اور یوکرین کے درمیان مذاکرات میں سہولت کاری کے لیےتیارہے۔ شہزادہ فیصل نے ماسکو میں اپنے روسی ہم منصب سرگئی لاروف کے ساتھ ملاقات کے بعد نیوز کانفرنس کی اور کہاکہ سعودی عرب یوکرین کے بحران کے حل کے لیے ثالثی کوتیار ہے۔ سعودی عرب روس کے ساتھ ہر سطح پر تعلقات کو مضبوط بنانا اور فروغ دینا چاہتا ہے۔ روسی ہم منصب نے سعودی عرب کے ساتھ تمام شعبوں میں تعاون بڑھانےکی خواہش کی بھی تصدیق کی۔ جبکہ شہزادہ فیصل نے تیل کی عالمی مارکیٹ میں استحکام کو برقرار رکھنے کے لیے سعودی عرب کی خواہش کا اعادہ کیا۔ یمن کی صورت حال کے بارے میں پوچھے جانے پر شہزادہ فیصل نے کہا کہ سعودی عرب تنازع کے خاتمے کے لیے یمنی فریقوں کے درمیان مذاکرات شروع کرنا چاہتا ہے۔ ہم یمن میں پہلے مستقل جنگ بندی تک پہنچنا چاہتے ہیں اور پھر ایک سیاسی عمل شروع کرنا چاہتے ہیں۔ روسی وزیرخارجہ نے یوکرین اور یمن کے تنازعات کے حل کے لیے سعودی عرب کی کوششوں کو سراہا اور یوکرین کے صدرولودی میرزیلنسکی کی جانب سے ماسکو کے ساتھ مذاکرات سے انکار کو مسلسل جارحیت کی وجہ قراردیا۔ انہوں نے کہا کہ ہم نہیں سمجھتے کہ یوکرین روس کے ساتھ سنجیدہ بات چیت کرنے کی خواہش رکھتا ہے۔
