سعودی عرب اور اتحادیوں کو عالمی عدالت میں شکست

عدالت نے قطر کیلئے فضائی حدود بند کرنے کے معاملے پر اپیل مسترد کردی
نیویارک (نیوز ڈیسک) عالمی عدالت انصاف نے قطر کیلئے فضائی حدود بند کرنے کے معاملے پر سعودی عرب، بحرین، مصر، متحدہ عرب امارات کی اپیل مسترد کردی، عدالت نے قرار دیا کہ یہ معاملہ انٹرنیشنل سول ایوی ایشن آرگنائزیشن کے دائرہ اختیار میں آتا ہے، اس کے فیصلے کیخلاف اپیل قابل سماعت نہیں، قطر کی ایئر لائن کو 3 سال سے اپنے چاروں پڑوسی ممالک کی فضائی حدود میں داخل ہونے کی اجازت نہیں ہے، قطر نے آئی سی جے کے فیصلے کا خیرمقدم کیا اور کہا کہ جو ممالک فضائی حدود کی ناکہ بندی کرتے ہیں انہیں عالمی ایوی ایشن قوانین کی خلاف ورزی پر ‘انصاف کا سامنا’ کرنا پڑے گا، سعودی عرب اور متحدہ عرب امارات نے کہا ہے کہ قطر کے طیاروں پر اپنی فضائی حدود میں داخلے پر پابندی کا حق حاصل ہے اور اس سلسلے میں شہری ہوابازی کی بین الاقوامی تنظیم سے رجوع کیا جائے گا