Raza Musani 
ٹوکیو: دنیا کے ترقی یافتہ ممالک کی تنظیم جی سیون کے وزرائے خارجہ نے خبردار کیا ہے کہ یوکرین جنگ میں روس کی مدد کرنے والوں کو بھاری قیمت چکانا پڑے گی۔ جاپان میں جی سیون وزرائے خارجہ کے دو روزہ اجلاس میں روس پر نئی پابندیوں پر اتفاق نہیں ہوسکا۔ تاہم ہتھیاروں کے حصول میں روس کی مدد کرنے والوں کے خلاف کریک ڈاؤن کا عزم ظاہر کیا گیا۔ اجلاس کے اعلامیے میں کہا گیا ہے کہ ہم روس کے خلاف پابندیوں میں تیزی لانے اور انہیں مکمل طور پر نافذ کرنے کے لیے پُرعزم ہیں۔ جب تک یوکرین اپنا دفاع کرے گا تب تک اس کی حمایت کریں گے۔ اعلامیہ میں افغانستان میں غیرسرکاری تنظیموں اور اقوام متحدہ کے لیےکام کرنےوالی خواتین پر پابندی کو فوری واپس لینے کا بھی مطالبہ بھی کیا گیا اور انسانی حقوق کی منظم خلاف ورزیوں اور مذہبی و نسلی بنیاد پر اقلیتوں کے ساتھ امتیازی سلوک کی مذمت کی گئی۔
